Atur Pasrah Temanten Putri Singkat

السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ

Para pinisepuh, sesepuh, saha para lenggah kakung putri ingkang tansah kinurmatan.

Langkung-langkung keluarga besan sutresna Bapak Khamasah Arkhanudin-Ibu Watini ing dukuh Ganginkulon RT. 04 RW. 07 Karangtengah Weru Sukoharjo.

Sepisan… (ungkapan syukur dan shalawat)

Saklajengipun kula minangka wakil saking keluarga Bapak Suryanto-Ibu Siti Rohmiyati ngaturaken panuwun ingkang kathah dumateng Bapak Khamasah Arkhanudin-Ibu Watini, bilih wekdal punika sampun nampi kanthi sae kula sakrombongan wonten ing pahargyan ngunduh mantu enjang punika. Mugi-mugi tansah pinaringan berkah kesaenan saking Allah SWT.

Panjenenganipun Bapak Khamasah Arkhanudin-Ibu Watini ingkang kawula hormati, bilih Bapak Suryanto-Ibu Siti Rohmiyati lumantar kawula masrahaken temanten kekalih, inggih punika Mas Yunahar Ilyas Muh Syafich, S.H – Mbak Wafiq Nur Azizah ingkang akad nikah sampun kalampahan wonten ing dinten Ahad, surya kaping 12 April 2026, wonten ing dukuh Blimbing Rt. 04/Rw. 04 Wonorejo Polokarto Sukoharjo. Mugi-mugi Bapak Khamasah Arkhanudin-Ibu Watini lan keluarga khususipun, ugi masyarakat mriki umumipun, kersa paring bimbingan supados temanten kekalih saget dados keluarga ingkang sakinah mawadah warahmah.

Ingkang terakhir, kula atas nami Keluarga Bapak Suryanto-Ibu Siti Rohmiyati, bilih mangke saksampunipun acara paripurna, kula sakrombongan lajeng nyuwun pamit. Mugi-mugi kula sakrombongan wangsul saking dalem mriki tumuju dateng griyanipun piyambak-piyambak, tansah kaparingan kawilujengan saking Allah SWT, mboten wonten alangan satunggal punapa.

Sakderengipun dalem pungkasi, mbokmenawi anggen kula matur, ugi saking keluarga Bapak Suryanto-Ibu Siti Rohmiyati sakrombongan wonten tindak tanduk ingkang mboten mranani penggalih, kula nyuwun agunging samudra pangaksami.

وَالسَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ